ازاي اكون ستراتيجيست ؟؟؟
طبعا انت سامع مشاكل كتير حصلت الفترة دي
مدارس قديمة ومدارس جديدة وكله بيخبط في بعض
لازم نكون متفقين أن التسويق مش قرآن و دة قبل ما نتكلم في أي حاجة
وبعد كدا هنتكلم عن مدرستين بخصوص الاستراتيجي
الأولى بتتكلم ان الاستراتيجيات دي عبارة عن خطة طويلة المدى لمدة من ٣ ل ٥ سنوات
فيها بتأسس كل ماله علاقة بمستقبل الشركة التسويقي
وبعدها بتطلع الخطة التسويقية التنفيذية
المدرسة التانية مختلفة تمامًا رغم انها نفس المسميات
الاستراتيجي فيه بتكون في حدود ٣ شهور أو ٦ بالكثير
وتختلف المركتنج ستراتيجي عن الكونتنت ستراتيجي عن الأدز ستراتيجي و كل واحدة منهم لها اونﻻين واوفﻻين
بس في حاجة واحدة هنتفق عليها كلنا
وهو أن الشخص المسؤول عن الاستراتيجي دة هو المسؤول عن تنفيذها ومتابعتها
يعني هي مش ملف بتعمله وبتاخد عليه فلوسك !!
انت مفترض تتابع وتحلل وتعدل خلال الفترة دي كلها
سواء كانت مدرسة ال ٥ سنين او مدرسة ال ٣ شهور
ﻻزم دائمًا يكون عندك احتمالية فشل وخطط بديلة
ﻻزم يكون عندك عين عالتيم وعين عالسوق وعين عالمنافس
ﻻزم تكون فاهم مواردك قبل ماتخطي قلم
باختصار... الاستراتيجيست شخص بيحط ستراتيجي قااااااادر ينفذها ويتابعها 👌
معنى كﻻمك يارضوى اني مقدرش اعملها فريلانس ؟
ﻻ تقدر لكن في حالتين:
الأولى ان يكون مسموحلك المتابعة من حين لآخر حتى لو في شكل استشارات شهرية
والتانية انك تكون عاجن وخابز التيم والسوق، وتكون مسلم حد بعدك عارف تنه هينفذها زي ماهي لازم تتنفذ
وبس كدا
