ازااي بنعمل كونتنت كاليندر ؟
في البداية حابة أوضح ان دي الأساس
المركتير مينفعش يشتغل بالبركة - لازم تخطط للكونتنت بتاعك لشهر أدام (دة المتعارف عليه)
طب أول خطوة ايه ؟
أول خطوة انك بتعمل الـcontent strategy قبل الكونتنت بلان (لو عاوز الفرق بين البلان والستراتيجي قوللي في الكومنتس)
وعلى أساسها بتكون حددت:
- نقاط قوتك وضعفك
- أهدافك اللي عاوز توصلها
- إيه أهم المميزات التنافسية اللي عندك
- ايه هي العروض أو البوينتس المهمة اللي هتشتغل عليها الشهر دة
نبدأ البلان إزاي بقى ؟
البلان أو الكاليندر بتكون متكونة من عناصر أساسية (عنوان البوست او فكرته - نوع المحتوى المرئي - هدف البوست - تاريخ نشر البوست - الكابشن أو السكريبت - الـ TOV)
بنعمل شيت اكسيل
أول عمود بتكون التاريخ - وليكن هننزل 16 بوست (دي بتحددها بخبرتك حسب المجال) تبدأ تحط تواريخ الـ 16 يوم مع مراعاة الريتش
تاني عمود بيكون فكرة البوست
تالت عمود بيكون نوع المحتوى المرئي (يعني ديزاين ولا ريل ولا فيديو عادي ولا انفوجراف ولا ايه)
رابع عمود بيكون الكابشن أو السكريبت
خامس عمود بنحط فيه الـ TOV لو البوست ديزاين - أو بنحط فيه الكابشن اللي هينزل فوق الفيديو
(((كخطوة تنظيمية انا بحب ازود 2 check box - الميديا اتعملت ولا لا - تم النشر ولا لا)))
تمام كدا عرفنا المكونات
بعمل ايه بقى ؟
1- بمسك الشهر اللي انا شغالة فيه - وبشوف لو في مناسبات دينية أو وطنية
2- بمسك البيزنس بتاعي خلال الشهر اللي انا شغالة فيه - بشوف لو في عروض بركز عليه - أو منتجات موسمية لازم نتكلم عنها كتير الشهر دة
3- ببص على إمكانيات التيم بتاعي (أقدر أعمل ريلز كتير ولا لا - في إمكانية لـ UGC أو EGC ولا لا - الديزاينس عندي تيمبلت ولا كرييتف أكتر)
4- انا محتاجة أحقق أهداف ايه الشهر دة بشكل أساسي - مبيعات ؟ تفاعل ؟ ولا أورنيس ؟؟
5- بمسك ورقة وقلم وابدأ أقسم - هانزل المنتج الفلاني كام مرة في الشهر - وكام مرة منهم تفاعل وكام مرة منهم سيلز - وكان مرة فيديو وكام مرة صورة ؟؟
6- بعد مارتبت أفكاري أرجع أراجع - انا كدا هاحقق أهدافي من الكونتنت بلان دي ولا لا؟
7- أنقل لشيت الإكسيل و أراجع للمرة الأخيرة ان كل حاجة تمام والتواريخ مظبوطة - وان كمان كل قطعة محتوى مناسبة للمنصة اللي هانشر عليها
ختامًا بقى أسلّم للأكونت مانجير عشان يبدأ يوزع على التيم - وأكون دايمًا على تواصل مع التيم لإن المحتوى فكرتي من الأساس
